Mae hon yn rhaglen eang sy’n edrych ar agweddau craidd drama, theatr dechnegol, a llais.

Mae’r unedau i’w hastudio yn cynnwys:

• Egwyddorion perfformiad – Mae’r uned hon yn ymdrin ag egwyddorion allweddol perfformiad gan gynnwys actio, canu a symud. Mae hefyd yn archwilio gwahanol arddulliau a thechnegau theatrig.
• Ymgysylltu â chynulleidfa – Mae’r uned hon yn ymdrin â sut i ymgysylltu’n ystyrlon â chynulleidfa fyw a chyfleu ystyr iddi.
• Cyflwyniad i arfer proffesiynol – Mae’r uned hon yn ymdrin ag elfennau allweddol arfer proffesiynol a sut i gymhwyso hyn drwy gydol eich astudiaethau a’r byd gwaith ehangach.
• Ymwybyddiaeth feirniadol a chyd-destunol – Mae’r uned hon yn edrych ar gyd-destun ehangach y prosiectau yr ydych yn eu cwmpasu, yr ystyr y tu ôl iddynt, eu hanes ac unrhyw gyd-destun perthnasol ehangach.
• Sgiliau cynhyrchu a chyd-destun – Mae’r uned hon yn edrych ar sut i weithio i friff a sut i gymhwyso unrhyw sgiliau cynhyrchu yn eu cyd-destun.
• Sgiliau perfformio a chyd-destun – Mae’r uned hon yn edrych ar sut i weithio i friff a sut i gymhwyso unrhyw sgiliau perfformio yn eu cyd-destun.
• Paratoi ar gyfer astudiaeth arbenigol – Mae’r uned hon yn ymdrin â sut i adlewyrchu eich ymarfer eich hun a sut i greu cynlluniau gweithredu datblygiad personol i ddatblygu eich ymarfer eich hun ymhellach.
• Prosiect perfformiad cydweithredol – Yr uned hon yw’r Prosiect Mawr Terfynol (FMP) ac mae’n cwmpasu’r holl sgiliau a thechnegau a ddatblygwyd yn ystod y flwyddyn gyntaf ar gyfer astudio. Byddwch yn gweithio ar y cyd ar brosiect perfformio ar raddfa fawr i arddangos eich gwaith.

Yn ystod yr ail flwyddyn bydd dysgwyr yn astudio Cymhwyster Prosiect Estynedig (CPA) CBAC – wedi’i raddio fel lefel AS, gall ddarparu pwyntiau UCAS ychwanegol.