Byddwch yn dysgu sgiliau sylfaenol wedi’u teilwra ar gyfer y llwybr pwnc rydych wedi’i ddewis, yn ogystal â’r unedau craidd canlynol a fydd yn eich paratoi ar gyfer cyflogaeth neu ddysgu pellach:

• Datblygiad personol
• Cyflogadwyedd
• Iechyd a lles
• Sgiliau llythrennedd a rhifedd i weithio tuag at ennill TGAU

Bydd pob llwybr yn datblygu cynlluniau dilyniant ar gyfer dewisiadau gyrfa yn y dyfodol ac yn anelu at ymgymryd â phrofiad gwaith mewn diwydiant perthnasol.

Y llwybrau sydd ar gael yw;

Busnes, Hamdden a Thwristiaeth – archwilio’r sector Lletygarwch a Thwristiaeth, gan gwmpasu cynllunio digwyddiadau, brandio a marchnata. Bydd dysgwyr yn cael y cyfle i ymweld â gwestai a busnesau lleol, fel Folly Farm, i ennill profiad diwydiant.

Technoleg Gwybodaeth – darganfyddwch swyddogaethau TGCh amrywiol a dewisiadau gyrfa. Bydd dysgwyr yn ymgymryd ag uned fusnes, yn trefnu digwyddiad ac yn gweithio gyda chyflogwr i ddatblygu cyfryngau cymdeithasol neu strategaethau marchnata. Bydd ymweliadau â busnesau lleol yn cael eu cynnwys sydd wedi cynnwys Bluestone a chwmni efelychu rasio rhithwir yn y blynyddoedd blaenorol.

Peirianneg Gyffredinol gan gynnwys Modurol – yn ymdrin ag iechyd a diogelwch yn y diwydiant, gyda chymysgedd o theori a sesiynau ymarferol wythnosol yn ein gweithdai modurol a pheirianneg. Bydd ymweliadau â busnesau lleol yn cael eu cynnwys ac yn y gorffennol mae dysgwyr wedi mynychu teithiau i fusnes efelychydd rasio rhithwir ac wedi ymweld â busnesau gwibgartio lleol.

Harddwch, Celfyddydau, Gofal Plant ac Iechyd a Gwallt (BACH) – mae’r cwrs hwn yn cyflwyno ystod o yrfaoedd gydag unedau mewn gwallt, harddwch a gwasanaeth cwsmeriaid a addysgir trwy theori ac ymarfer salon. Bydd dysgwyr hefyd yn archwilio gofal plant ac iechyd a gofal cymdeithasol i ddatblygu sgiliau ymarferol, ochr yn ochr â sesiynau celf wythnosol sy’n canolbwyntio ar weithgareddau fel creu byrddau hwyliau a dysgu gwnïo. Yn y gorffennol trefnwyd teithiau i Folly Farm, busnesau peintio crochenwaith lleol a Spas lleol yn ogystal â siaradwyr gwadd yn dysgu’r grefft o beintio corff.