Mae’r cymhwyster yn cynnwys ystod eang o bynciau i’w hystyried gan gynnwys:

• Athroniaeth – edrych ar ddadleuon fel bodolaeth Duw, bodolaeth drygioni a dioddefaint, iaith a’r cwestiynau y mae’n eu codi fel beth a olygir gan dda a drwg, ystyr iaith o fewn crefydd, a symbolaeth.
• Moeseg – meithrin gwybodaeth am wahanol fathau o foeseg fel Iwtilitariaeth, Moeseg Sefyllfaoedd, Cyfraith Foesol Naturiol, Damcaniaeth Gorchymyn Dwyfol ac yna gallu rhoi’r rhain ar waith mewn sefyllfaoedd fel perthnasoedd amryfal, cyfunrywioldeb, arfau niwclear fel ataliaeth, a’r gosb eithaf.
• Bwdhaeth – astudiaeth fanwl ac eang o un o chwe phrif grefydd y byd; sefydlu cysyniadau allweddol y grefydd, datblygiad o fewn Prydain, ymagweddau tuag at ffeministiaeth, gwyddoniaeth, ymwybyddiaeth ofalgar, Bwdhyddion sy’n ymgysylltu’n gymdeithasol a llawer o bynciau eraill hefyd.

Drwy gydol y cwrs hwn bydd gofyn i chi fabwysiadu ymagwedd ymholgar, feirniadol ac adfyfyriol a datblygu eich gwerthoedd, barn ac agweddau eich hun yng ngoleuni eich astudiaethau.