Mae Cymdeithaseg Lefel-A yn gwrs cymhleth a fydd yn eich helpu i ddeall a gwerthuso nifer o ddamcaniaethau a syniadau dadleuol yn ymwneud â phatrwm, tueddiadau a newid cymdeithasol mewn cymdeithas.

Yn ystod eich amser ar y cwrs hwn byddwch yn datblygu eich dealltwriaeth o gymdeithas Prydain o ran diwylliant cyfoes a materion yn ymwneud â rhaniadau cymdeithasol, cyrhaeddiad pŵer a rheolaeth.

Bydd yr unedau i’w hastudio yn cynnwys:

• Caffael diwylliant – y thema graidd ar gyfer yr uned hon yw cymdeithasoli a diwylliant. O fewn y themâu hyn mae’r ffocws ar sut mae diwylliant yn cael ei drosglwyddo, gyda phwyslais ar ffynonellau hunaniaeth a’r teulu.
• Deall diwylliant – rhaniad rhwng astudio addysg a dulliau ymchwil.
• Deall pŵer a rheolaeth – y thema allweddol i ddeall yn yr uned hon yw natur pŵer a rheolaeth gymdeithasol trwy archwilio trosedd a gwyredd.
• Deall rhaniadau cymdeithasol – mae dwy elfen i’r uned hon. Mae’r elfen gyntaf yn asesiad gorfodol o ddulliau ymchwil sydd wedi’i gynllunio i adeiladu ar y wybodaeth a’r ddealltwriaeth o fethodoleg ymchwil. Mae’r ail elfen yn ymwneud ag anghydraddoldeb cymdeithasol yn y DU.