Byddwch yn treulio amser yng Nghanolfan Anifeiliaid Llwynhelyg lle byddwch yn dysgu sut i ofalu am ystod eang o anifeiliaid gan gynnwys rhywogaethau cydymaith ac egsotig. Byddwch yn dysgu trwy ddefnyddio gwerslyfrau, cyfeirlyfrau a’r rhyngrwyd yn ogystal ag ymgymryd â thasgau ymarferol a mynychu darlithoedd ac arddangosiadau i gael dealltwriaeth drylwyr o’r testunau sy’n cael eu hastudio.

Mae’r cwrs hwn wedi’i leoli ar brif gampws y coleg, yng Nghanolfan Dysgu John Burns, Llwynhelyg ac yn Ysgubor Fferm Willhome. Ceir cludiant i ac o Ganolfan Dysgu John Burns ar fws gwennol o brif gampws y Coleg. Bydd dysgwyr yn treulio’r diwrnod cyfan ar y safle. Bydd ymweliadau ag Ysgubor Fferm Willhome yn digwydd ar ddyddiadau a drefnwyd ymlaen llaw a bydd dysgwyr yn cael eu cludo yno ar fysiau mini’r coleg.

Fel rhan o’r cwrs byddwch yn gallu ymgymryd â phythefnos o brofiad gwaith mewn amrywiaeth o leoliadau gwaith gan roi profiad gwerthfawr a mewnwelediad i’r diwydiant i chi.

I ddilyn y cwrs hwn bydd angen i chi fod yn ofalgar, yn gyfrifol ac yn gallu gweithio’n unigol ac fel rhan o grŵp.